WELCOME TO THE STORYTELLER

Story Selection

G. A Bike Ride

Translate the following paragraph:

ispîhk mâna kâ‑sîkwahk, wîpac ê‑kîskisêpâk, kâ‑nikotwâso‑kîsikâk, nipapâmi‑tihtipiskên cihcipayapisikanis. wâhyaw mâna nikakwê‑papâmi‑tihtipiskên cihcipayapisikanis. kîspin êkâ mistahi sôhkiyowêki nêwosâp cipahaskânis mâna nitihtipiskên cihcipayapisikanis, sâkahikanisihk isi, êkwa kâwi ta‑kîwê‑tihtipiskamân, mâmawi, nîsitanaw ayênânêwosâp cipahaskânis ê‑papâmi‑tihtipiskamân cihcipayapisikanis. ispîhk sôhkiyowêki namôya mâna wâhyaw nitisi‑tihtipiskên cihcipayapisikanis. têpiyâhk aciyaw mâna nipapâmi‑tihtipiskên cihcipayapisikanis ispîhk kâ‑sôhkiyowêk. âskaw mâna mistahi sôhkiyowêw ôta maskotêhk.
nicihkêyihtên ta‑papâmi‑tihtipiskamân cihcipayapisikanis ispîhk kâ‑sîkwahk. ispîhk mâna kâ‑papâmipayiyân niwâpamâwak nanâtohk piyêsîsak: cahcahkâyosak, cahcahkiwak, niskak, âhâsiwak, êkwa nanâtohk sîsîpak. acimosihkânisak mîna niwâpamâwak ispîhk kâ‑ati‑sâkipakâk. mêtoni miyonâkwan askiy ispîhk kâ‑sîkwahk.

ᐃᐢᐲᕽ ᒫᓇ ᑳ ᓰᑿᕽ, ᐑᐸᐨ ᐁ ᑮᐢᑭᓭᐹᐠ, ᑳ ᓂᑯᑤᓱ ᑮᓯᑳᐠ, ᓂᐸᐹᒥ ᑎᐦᑎᐱᐢᑫᐣ ᒋᐦᒋᐸᔭᐱᓯᑲᓂᐢ᙮ ᐚᐦᔭᐤ ᒫᓇ ᓂᑲᑵ ᐸᐹᒥ ᑎᐦᑎᐱᐢᑫᐣ ᒋᐦᒋᐸᔭᐱᓯᑲᓂᐢ᙮ ᑮᐢᐱᐣ ᐁᑳ ᒥᐢᑕᐦᐃ ᓲᐦᑭᔪᐍᑭ ᓀᐓᓵᑊ ᒋᐸᐦᐊᐢᑳᓂᐢ ᒫᓇ ᓂᑎᐦᑎᐱᐢᑫᐣ ᒋᐦᒋᐸᔭᐱᓯᑲᓂᐢ, ᓵᑲᐦᐃᑲᓂᓯᕽ ᐃᓯ, ᐁᑿ ᑳᐏ ᑕ ᑮᐍ ᑎᐦᑎᐱᐢᑲᒫᐣ, ᒫᒪᐏ, ᓃᓯᑕᓇᐤ ᐊᔦᓈᓀᐓᓵᑊ ᒋᐸᐦᐊᐢᑳᓂᐢ ᐁ ᐸᐹᒥ ᑎᐦᑎᐱᐢᑲᒫᐣ ᒋᐦᒋᐸᔭᐱᓯᑲᓂᐢ᙮ ᐃᐢᐲᕽ ᓲᐦᑭᔪᐍᑭ ᓇᒨᔭ ᒫᓇ ᐚᐦᔭᐤ ᓂᑎᓯ ᑎᐦᑎᐱᐢᑫᐣ ᒋᐦᒋᐸᔭᐱᓯᑲᓂᐢ᙮ ᑌᐱᔮᕽ ᐊᒋᔭᐤ ᒫᓇ ᓂᐸᐹᒥ ᑎᐦᑎᐱᐢᑫᐣ ᒋᐦᒋᐸᔭᐱᓯᑲᓂᐢ ᐃᐢᐲᕽ ᑳ ᓲᐦᑭᔪᐍᐠ᙮ ᐋᐢᑲᐤ ᒫᓇ ᒥᐢᑕᐦᐃ ᓲᐦᑭᔪᐍᐤ ᐆᑕ ᒪᐢᑯᑌᕽ᙮ ᓂᒋᐦᑫᔨᐦᑌᐣ ᑕ ᐸᐹᒥ ᑎᐦᑎᐱᐢᑲᒫᐣ ᒋᐦᒋᐸᔭᐱᓯᑲᓂᐢ ᐃᐢᐲᕽ ᑳ ᓰᑿᕽ᙮ ᐃᐢᐲᕽ ᒫᓇ ᑳ ᐸᐹᒥᐸᔨᔮᐣ ᓂᐚᐸᒫᐘᐠ ᓇᓈᑐᕽ ᐱᔦᓰᓴᐠ: ᒐᐦᒐᐦᑳᔪᓴᐠ, ᒐᐦᒐᐦᑭᐘᐠ, ᓂᐢᑲᐠ, ᐋᐦᐋᓯᐘᐠ, ᐁᑿ ᓇᓈᑐᕽ ᓰᓰᐸᐠ᙮ ᐊᒋᒧᓯᐦᑳᓂᓴᐠ ᒦᓇ ᓂᐚᐸᒫᐘᐠ ᐃᐢᐲᕽ ᑳ ᐊᑎ ᓵᑭᐸᑳᐠ᙮ ᒣᑐᓂ ᒥᔪᓈᑿᐣ ᐊᐢᑭᕀ ᐃᐢᐲᕽ ᑳ ᓰᑿᕽ᙮

WORDS
acimosihkânisak ‑ pussy willows (NA)aciyaw ‑ for a short while
âhâsiw ‑ crowâskaw mâna ‑ sometimes, as is usual
askiy ‑ earthati‑sâkipakâw ‑ leaves begin to bud
ayênânêwosâp ‑ eighteencahcahkâyos ‑ blackbird
cahcahkiw ‑ pelicancihcipayapisikanis ‑ bicycle (NI)
cihkêyihta ‑ like s.t. (VTI‑1)cipahaskânis ‑ kilometre
êkâ ‑ negator for conjunctêkwa ‑ and
isi ‑ toward a directionisi‑têhtapi ‑ ride in a way (VAI)
ispîhk ‑ whenkakwê‑ ‑ try to (PV)
kâwi ‑ backkîskisêpâw ‑ it is morning (VII)
kîspin ‑ ifkîwê‑tihtipiska ‑ ride it home (VTI)
mâmawi ‑ all togethermâna ‑ usually
maskotêw ‑ prairie (NI)mêtoni ‑ very
mîna ‑ alsomistahi ‑ a lot
miyonâkwan ‑ it looks beautiful (VII)namôya ‑ no
nanâtohk ‑ all kindsnêwosâp ‑ fourteen
nikotwâso‑kîsikâw ‑ it is Saturday (VII)nîsitanaw ‑ twenty
niska ‑ gooseôta ‑ here
papâmi‑ ‑ out and aboutpapâmipayi ‑ go out and about (VAI)
piyêsîs ‑ bird (NA)sâkahikanis ‑ small lake
sîkwan ‑ it is springsîsîp ‑ duck
sôhkiyowêw ‑ it is very windy (VII)têpiyâhk ‑ at least
tihtipiska ‑ ride s.t. with wheels (VTI‑1)wâhyaw ‑ far away
wâpam ‑ see s.o. (VTA)wîpac ‑ soon, early
Question #1: tânispîhk mâna awa kâ-papâmi-tihtipiskahk cihcipayapisikanis?
Question #2: wâhyaw cî mâna kakwê-papâmi-tihtipiskam cihcipayapisikanis?
Question #3: tânitahto cipahaskânisa mâna tihtipiskam cihcipayapisikanis kîspin êkâ mistahi sôhkiyowêyiki?
Question #4: tânitê mâna kâ-isi-tihtipiskahk cihcipayapisikanis?
Question #5: wâhyaw cî mâna papâmi-tihtipiskam cihcipayapisikanis ispîhk ê-sôhkiyowêyik?
Question #6: têpiyâhk cî mâna aciyaw tihtipiskam cihcipayapisikanis ispîhk sôhkiyowêyiki?
Question #7: âskaw cî mâna mistahi sôhkiyowêw ôta maskotêhk?
Question #8: cihkêyihtam cî ta-papâmi-tihtipiskahk cihcipayapisikanis ispîhk kâ-sîkwaniyik?
Question #9: kiya mâka, kicihkêyihtên cî ta-papâmi-tihtipiskaman cihcipayapisikanis ispîhk kâ-sîkwahk?
Question #10: kêko piyêsîsa mâna wâpamêw ispîhk kâ-papâmi-tihtipiskahk cihcipayapisikanis?